Já ég fór til læknis í dag og fékk niðurstöðurnar úr blóðprufunni, allt í þessu fína hjá mér, engin sykursýki, kólesteról flott, en þó komumst við að því að ég er með vanstarfsemi í skjaldkirtli, þanniig að minns var bara settur á Levoxin og á ég að mæta aftur eftir 2 vikur í aðra blóðprufu og sjá hvað er að ske. Einnig var send beiðni fyrir mig svo ég komist í svefnmælingu, sona til að staðfesta það að ég sé með kæfisvefn. Vona að það verði bara á næstu dögum. Ég fór einnig á fyrsta OA fundinn minn á mánudag og líkaði mér það bara ágætlega, þetta var soldill sona "eyeopener" fyrir mann, gott að sjá og heyra að maður er ekki bara einn um þennan viðbjóð sem hömlulaust ofát er. Kom mér samt á óvart hversu mikið af grönnu og í raun "fit" einstaklingum var þarna hélt að það væru bara bollur eins og ég sem ættu í þessum vanda en svo er nú aldeilis ekki. Ég mæli líka með að allir fari inn á www.OA.is og taki þar sjálfsprófið. Það er soldið magnaður skítur, mér brá yfir mínum úrlausnum átti ekki von á svona útkomu. En það styrkti mig bara í þeirri trú að maður sigrast ekki á offitunni nema með mikilli aðstoð og OA geta vonadi veitt mér hana.